Nesru Michael Guyyaan jiraannu hedduu fakkaata
Nesru Michael “Itoophiyaan
ittifayyadama Artifiishaal Italajansiitiin jalqabbii gaariirra jirti”
- Kaabiilaa Hayilee Sobbooqaa (Ogeessa ‘AI’)
***
Gaazexaa Bariisaa
Finfinnee: Artifiishaal Italajansii (‘AI’) hojii salphisuu, yeroofi humna namaa qusachuun tajaajiloota si’ataafi qulqullina qabu kennuufi jireenya hawaasaa mijeessuu keessatti gumaacha olaanaa qabaata.
Biyyoonni guddatan kanneen akka Ameerikaa, Chaayinaafi Awurooppaa teknolojichatti fayyadamaa jiraachuufi Itoophiyaatti jalqabbii gaariirratti akka argamu ogeessi ‘AI’ Kaabiilaa Hayilee ibse.
Yunivarsitii ‘Texas’tti AIn digrii sadaffaa barachaa kan jiru Dargaggoo Kaabiilaan ibsa dheengadda Gaazexaa Bariisaaf kenneen Itoophiyaatti ittifayyadamni teknolojichaa jalqabbii gaariirra jiraachuuu ibseera. AI sektaroota gara garaa mootummaatti tajaajila kennaa jiraachuus eereera.
Teknolojicha namoota barataniifi magaalota guguddoo keessa jiraatan muraasni fayyadamaa waan jiraniif babal’isasaarratti hojii baay’een makka hafus dubbateera.
